ҚҰНДЫЛЫҚ. ИНТЕЛЛЕКТ. ДАҒДЫ

М. Дүйсенов атындағы №15 мектеп-лицейі бастауыш бірлестігінің «ҚҰНДЫЛЫҚ. ИНТЕЛЛЕКТ. ДАҒДЫ» тақырыбындағы онкүндіктің ашылуы ерекше форматта өтті.

Бұл жолы қатысушылар "Құндылық", "Интеллект", "Дағды" елдеріне бөлініп, білім мен тәрбиеге толы қызықты саяхатқа шықты

"Құндылық" елі – ұлттық тәрбие, рухани-адамгершілік қасиеттер мен ізгілікке бастар жол.

"Интеллект" елі – ой ұшқырлығын дамытқан зияткерлік тапсырмалар мен танымдық ойындар алаңы.

"Дағды" елі – өмірге қажетті дағдыларды қалыптастырып, шығармашылық белсенділікті арттырған тәжірибе мекені.

Онкүндіктің мақсаты – білімге қызығушылығы жоғары, ойы ұшқыр, құндылықты бойына сіңірген жан-жақты дамыған тұлға тәрбиелеу.

Бұл онкүндік — бастауыш сынып оқушылары үшін білім мен тәрбие үйлескен ерекше мүмкіндік!